近日多位客人度身時問我，著Bra 時「雞心」位置係咪一定要貼實晒先啱呢?
解答:
以一般正常身體胸型嚟計，著Bra時「雞心」平貼胸骨係必須的, 因為其位置貼實嘅話係有助穩固兩邊鋼圈位置，無咁易會移位，呢個亦喺行內設計及生產胸圍時嘅標準。
不過就算胸圍本身跟標準做到平貼胸骨，但因每個人嘅身體胸型都唔同，有兩類人確實較難平貼到。
1.「雞心」胸骨位置特別凹
有啲人天生「雞心」胸骨特別凹，由於乳房最高點與胸骨深度差距太大, 所以著Bra 時「雞心」位置往往較難平貼到。但咁樣未必一定唔啱，只能話相對其他人，當事人係較難Fit身, 會較容易令鋼圈移位，唯有靠其他部位嚟Fit身。
2. 「雞心」胸骨間距特別窄
如果你天生「雞心」胸骨距離只有幾mm闊， 同時乳房又豐滿的話，著Bra 時都會因為兩者距離太大，「雞心」胸骨又唔夠空間 ，所以雞心位置都未必貼服到。但只要鋼圈合適, 其他位置啱Fit, 都唔會有鋼圈移位嘅情況。
如果你唔清楚自己係因著錯Bra而唔貼實，定係屬於上述情況，歡迎大家過嚟SHER BRACE 門市檢查一下。
Comments